Türkmenistana dolanyp barmak üçin şahadatnama, Türkmenistanyň çäginde hemişelik ýazgyda duran Türkmenistanyň raýatlaryna Türkmenistanyň milli raýatlyk pasportynyň Russiýa Federasiýasynyň çäginde ýitirmegi ýa-da zaýalanmagy sebäpli resmileşdirilýär.
Türkmenistana dolanyp barmak üçin şahadatnamany Türkmenistanyň Russiýa Federasiýasyndaky Konsullygynda (Astrahan şäheri) almak üçin aşakdaky resminamalary tabşyrmaly:

1. Konsullyga arza;
2. Sowalnama;
3. Terjimehal;
4. Düşündiriş;
5. Polisiýadan pasporty ýitirilendigi barada kepilnama (asyl nusgasy we 3 (üç) nusga);
6. Zaýalanan pasportyň asyl nusgasy we 1 (bir) nusgasy (eger-de bar bolsa);
7. 2 (iki) sany 3х4 lik surat (suratyň reňkli we ýalpyldamaýan (матовый) bolmaly);

Türkmenistana dolanyp barmak üçin şahadatnamany almak üçin diňe Türkmenistanyň milli raýatlyk pasportynyň zaýalanmagy bilen ýüz tutan raýatlara Türkmenistana dolanyp barmak üçin şahadatnama ýüz tutan güni resmileşdirilýär. 

• resminamany almak üçin konsullyk ýygymy - Gyssagly tertipde, 3 iş güniň dowamynda 40 ABŞ dollar.
• resminamany almak üçin konsullyk ýygymy - Adaty tertipde, 10 iş güniň dowamynda 25 ABŞ dollar.

Resminamalary arzaçynyň şahsy özi tabşyrmaly.